સરકારી વિનિયન અને વાણિજય કોલેજ તથા સાયન્‍સ કોલેજ આહવામાં વાર્ષિક રમતોત્‍સવનું આયોજન

તા.૧૮/૦૧/૨૦૧૪ ના રોજ સરકારી વિનિયન અને વાણિજય કોલેજ તથા સાયન્‍સ કોલેજ, આહવા દ્વારા વાર્ષિક રમતોત્‍સવ રાખવામાં આવેલ. આ રમતોત્‍સવની શરૂઆત કોલેજની બાળા દ્વારા હાજર રહેલ મહેમાનોનું પુષ્‍પગુચ્‍છ દ્વારા સ્‍વાગત કરવામાં આવેલ, બાદ મુખ્‍ય મહેમાન પોલીસ અધિક્ષકશ્રીનાઓએ દિપ પ્રગટાવી કાર્યક્રમનો શુભારંભ કરવામાં આવેલ. કોલેજના વિદ્યાર્થીઓ દ્વારા પોલીસ બેન્‍ડ સાથે પરેડ કરી તેમજ આ રમતોત્‍સવમાં ૧૦૦ મીટર દોડ, સંગીત ખુરશી, બરછી ફેંક, ગોળા ફેંક, ઉચી કૂદ, લાંબી કૂદ અને ખો-ખો જેવી રમતો-સ્‍પર્ધા શરૂ કરવામાં આવેલ હતી. આ રમતોત્‍સવમાં કોલેજના પ્રિન્‍સીપાલ, પ્રોફેસર, પોલીસ અધિક્ષક, પો.સ.ઇ. ,પોલીસ બેન્‍ડના માણસો અને કોલેજના વિદ્યાર્થી/વિદ્યાર્થીનીઓ મળી આશરે ૪૦૦ થી ૫૦૦ જેટલા ઉપસ્‍થિત રહેલ હતા.