એકલવ્ય રેસીડેન્સીયલ સ્કૂલ આહવા ખાતે ર૦૧૩ ના વર્ષની વિદાય અને નવા વર્ષની ઉજવણી પોલીસ અધિક્ષકના અધ્યક્ષ સ્થાને કરવામાં આવી હતી.
સ્ટુડન્ટ પોલીસ કેડેટસના તાલીમાર્થી બાળકોને નવુ વર્ષ ખુબજ ફળદાયી નિવડે વિઘાર્થીઓ પોતાની કારકિર્દીના ઉચ્ચ શિખરે પહોંચે સાથે સાથે પોલીસની તાલીમથી સુસજજ બનીનીને શારીરિક અને માનસિક રીતે મજબૂત બનીને યશકલગીમાં વધારો કરતા રહે. શાળાના બાળકોએ આનંદવિભોર બનીને નૃત્ય,કવ્વાલી,યોગા તેમજ પોતાની વાતો રજુ કરી હતી. એસ.પી.સી.ની તાલીમમાં વિઘાર્થીઓ ઘણું નવું શિખ્યા હતા અને તેમના અનુભવો જિલ્લા પોલીસ વડા સમક્ષ રજુ કર્યા હતા. શાળા પરિવાર અને મહાનુભાવોએ કેક કાપીને નવા વર્ષને વઘાવ્યું હતું અને નાયબ પોલીસ અધિક્ષક, આહવા વિભાગ નાઓએ વિઘાર્થીઓના ઉત્સાહમાં વધારો કર્યો હતો.